Հայկական Կարմիր խաչի ընկերությունը փետրվար – մարտ ամիսների ընթացքում Գյումրու շուրջօրյա խնամքի կենտրոնի ողջ անձնակազմի (71 մասնակից) և կամավորների (25 մասնակից) համար կազմակերպել էր «Արտակարգ իրավիճակների պատրաստվածություն» թեմայով դասընթաց` «Աշխատելով միասին հանուն որակյալ խնամքի, բարեկեցության և արժանապատիվ կյանքի» ծրագրի շրջանակում, որը ֆինանսավորվում է Ավստրիական զարգացման համագործակցության կողմից։ Դասընթացի արդյունքում մասնակիցները ստացան գիտելիքներ աղետների տեսակների վերաբերյալ, ներկայացվեցին բնակչության պաշտպանության ձևերը՝ տարհանում, պատսպարում, անհատական պաշտպանություն, ինչպես նաև վաղ ազդարարման համակարգեր և այլն: Յուրաքանչյուր դասընթացի ավարտին մասնակիցները հնարավորություն ունեցան գործնականում պարզել, թե ինչ խնդիրների են բախվում և որոնք են տարհանման կազմակերպման ընթացքում առաջ եկող խոչընդոտները և հանդես եկան առաջարկություններով։ Այնուհետև յուրաքանչյուր մասնաշենքի համար ընտրվեցին պատասխանատուներ, ովքեր ստացած գիտելիքները պարբերաբար կփոխանցեն նաև կենտրոնի բնակիչներին։
