Ի՞նչ գիտեն սահամանամերձ համայնքներում դպրոցականներն ու ուսուցիչները ականների և չպայթած զինամթերի վտանգների մասին։ Տիրապետու՞մ են արդյոք անվտանգ վարքագծի կանոններին։
Սեպտեմբերի 2-ից 8-ը Տավուշի Բաղանիս և Ներքին Կարմիր աղբյուր և Վայոց ձորի Խաչիկ գյուղերի դպրոցներում ներկայացվեց «Պատերազմի պայթուցիկ մնացորդների և ականների վտանգի իրազեկման ծրագիր Հայաստանի Հանրապետությունում» ծրագիրը, իսկ Հայկական Կարմիր խաչի ընկերության մարզային մասնաճյուղերի կամավորներն անցկացրեցին դպրոցականների և ուսուցիչների տեղեկատվական կարիքների գնահատում՝ հետագայում ականների և պատերազմի պայթուցիկ մնացորդների վերաբերյալ իրազեկումն առավել թիրախային և արդյունավետ կազմակերպելու համար։
Ծրագրի նպատակն է նվազեցնել պայթուցիկ մնացորդների և ականների վտնագը և ազդեցությունը ռիսկերի ուսուցման գործողությունների միջոցով՝ իրականացնելով իրազեկվածության բարձրացման հանրային քարոզարշավներ և անմիջական հաղորդակցություններ:
