Հայկական Կարմիր խաչի ընկերության և ՀՀ ՆԳՆ փրկարար ծառայության «Առաջին արձագանքման կամավորական ծառայության ինստիտուցիոնալիզացում» համատեղ ծրագիր:
Հայկական Կարմիր խաչի ընկերության և ՀՀ ՆԳՆ փրկարար ծառայության «Առաջին արձագանքման կամավորական ծառայության ինստիտուցիոնալիզացում» համատեղ ծրագիրը կամավորների համար իրականացնում է երկու փուլից բաղկացած թեմատիկ վերապատրաստման դասընթաց:
Դասընթացին մասնակցում են ՓԾ փրկարար ուժերի համապատասխան մարզային վարչություններից մեկական ներկայացուցիչ։ Վերապատրաստման դասընթացի մեկնարկի արարողությանը ներկա էին ՀԿԽԸ նախագահ Դավիթ Ներսիսյանը, ՀՀ ՆԳՆ փրկարար ուժերի պետի տեղակալ Բագրատ Վարդազարյանը,Հայաստանում Տեխնիկական համագործակցության համակարգող գրասենյակի ղեկավար Կլաուս Կապերը և մի շարք այլ գործընկերներ։ Ծրագրի շրջանակում Հայաստանի տասը մարզի 12 համայնքներում արդեն ձևավորվել են կամավոր հրշեջ-փրկարարական խմբեր, որոնք ստանում են համապատասխան գիտելիքներ աղետներին դիմակայելու համար։
