ՈՒՇԱԴՐՈՒԹՅՈՒՆ
Իրավագիտության ֆակուլտետների ուսանողներին
Հրավիրում ենք մասնակցելու Միջազգային մարդասիրական իրավունքի վերաբերյալ դատախաղ-մրցույթին, որը տեղի կունենա
2014թ. նոյեմբերի 7-9-ը
Դատախաղ-մրցույթի նպատակն է տեսական դասընթացների և գործնական առաջադրանքների միջոցով խորացնել Միջազգային մարդասիրական իրավունքի վերաբերյալ երիտասարդ իրավաբանների գիտելիքները:
Մրցույթին կարող են մասնակցել ԲՈՒՀ-երի բարձր կուրսերի իրավագիտության ֆակուլտետների երեք ուսանողից կազմված թիմերը, ովքեր մասնակցել ենՄիջազգային հանրային իրավունքի դասընթացներին։ Մրցույթին չեն կարող դիմել նախորդ տարիների մասնակից թիմերը:
Մասնակցելու համար անհրաժեշտ է լրացնել կոլեկտիվ հայտի համապատասխան ձևը և պատասխանել կից՝ Միջազգային մարդասիրական իրավունքին առնչվող առաջադրանքին:
Լրացված հայտը պետք է ներկայացնել Հայկական Կարմիր խաչի ընկերության Գլխավոր գրասենյակ՝ Պարոնյան 21/1 (դիմումի ձևը կարելի է վերցնել ֆակուլտետի դեկանատից կամ ՀԿԽԸ-ից), ինչպես նաև ներբեռնել այստեղից` և ուղարկել [email protected] էլ. հասցեին՝ մինչև ս.թ. հոկտեմբերի 15-ը: Ընտրական փուլը հաջողությամբ անցած թիմերը կմասնակցեն մրցույթին։
Միջազգային մարդասիրական իրավունքի վերաբերյալ դատախաղ-մրցույթն անցկացնում է Հայկական Կարմիր խաչի ընկերությունը (ՀԿԽԸ)` Կարմիր խաչի միջազգային կոմիտեի (ԿԽՄԿ) աջակցությամբ և Միջազգային և համեմատական իրավունքի հայկական կենտրոնի հետ համագործակցությամբ (ՄՀԻՀԿ):
Դատախաղը՝ ԿԽՄԿ-ի նախաձեռնությամբ, Հայաստանի ԲՈՒՀ-երի ուսանողների համար անցկացվում է 2005 թվականից։
Մրցույթին մասնակցության հետ կապված բոլոր ծախսերը հոգում է ԿԽՄԿ-ն:
Լրացուցիչ տեղեկությունների համար կարող եք դիմել ՀԿԽԸ՝ հետևյալ հեռախոսահամարով. +374 10 539759:
