Հայկական Կարմիր խաչի ընկերության ուշադրության կենտրոնումհաշմանդամների խնդիրներն են
Ս.թ. մարտի 14-ին ԳերմանիայիՕստֆիլդերն քաղաքում մեկնարկեց Հայկական Կարմիր խաչի ընկերության և Գերմանական Կարմիրխաչի հետ համատեղ իրականցվող «Օգնել. Ես կարող եմ, դու կարող ես, մենք կարող ենք» ծրագրի երկրորդ փուլը, որին մասնակցում էին երկու երկրների Ազգային ընկերությունների 15 մասնակիցներից բաղկացած պատվիրակությունները: Պատվիրակության կազմում ընդգրկված էին 14-17 տարեկան երեխաներ (այդ թվում` հատուկ կարիքներ ունեցող ):
Ծրագրի նպատակն էր տեղեկացնել հաշմանդամ մարդկանց առջև ծառացած սոցիալական, հոգեբանական և կենցաղային խնդիրների մասին, սովորեցնել օգնության ձեռք մեկնել յուրաքանչյուրին:
Գերմանիա մեկնած հայ մասնակիցները գերմանացի իրենց հասակակիցների հետ միասին անցկացրեցին մեկ շաբաթ, որի ընթացքում մասնակցեցին առաջին օգնության դասընթացների և մրցումների, ծանոթացան գերմանական և հայկական մշակույթներին, մասնակցեցին գերմանական հատուկ դպրոցների դասընթացներին: Մասնակիցների կարևոր ձեռքբերումներից էր Առաջին օգնության մրցույթում 16 հորիզոնականից 4-րդ հորիզոնական զբաղեցնելը:
Հայ և գերմանացի երեխաները հասցրեցին ընկերանալ և ստեղծել դրական մթնոլորտ:
Մարտի 20-ին տեղի ունեցավ ծրագրի գերմանացի և հայ երեխաների համատեղ ուսուցման ու ժամանցի վերաբերյալ լուսանկարների ցուցահանդես, որին հրավիրված էին մասնակցելու նաև դպրոցի աշակերտներ: Ցուցահանդեսի ընթացքում իրականացվեց հյուրասիրություն, ինչպես նաև այցելուներին Հայաստանի վերաբերյալ տեղեկատվություն տրամադրվեց:
Մարտի 21-ին հայ և գերմանացի երեխաները միմյանց հրաժեշտ տվեցին` նորից հանդիպելու ակնկալիքով :
«Օգնել. Ես կարող եմ, դու կարող ես,մենք կարող ենք» ծրագրի առաջին փուլն իրականացվել է Հայաստանում` 2013թ. հոկտեմբերի 26-31-ը:
