Հայկական Կարմիր Խաչի ընկերությունը (ՀԿԽԸ) պարբերաբար կազմակերպում է կլոր սեղան քննարկումներ՝ տեղահանված բնակչության սոցիալ-տնտեսական մարտահրավերներին անդրադառնալու համար։
ՀԿԽԸ շարունակում է ներգրավվածությունը նաև տեղական շահագրգիռ կողմերի հետ մի շարք կլոր-սեղան քննարկումների միջոցով, որոնք մաս են կազմում RENEW «Հայաստանում ԼՂ-ի հակամարտությունից տուժած բնակչության կենսաապահովման և բարեկեցության խթանում» ծրագրի, որի նպատակն է բարելավել տեղահանված բնակչության սոցիալ-տնտեսական ընդգրկվածությունը և կենսապահովման միջոցները:
Նախաձեռնության մեկնարկից ի վեր ՀԿԽԸ-ը երկկողմանի հանդիպումներ է ունեցել Կոտայքի, Արմավիրի և Արարատի մարզերի պաշտոնյաների հետ՝ փաստագրելով ավելի քան 40000 տեղահանվածների առջև ծառացած մարտահրավերները։
Քննարկումները խթանել են փոխգործակցությունը տեղահանված համայնքների, տեղական ինքնակառավարման մարմինների, ՀԿ-ների և բիզնես ոլորտի շահագրգիռ կողմերի միջև՝ բարելավելու ծառայությունների մատուցումը և խթանելու տնտեսական ինտեգրման ռազմավարությունը: Այս քննարկումները կենտրոնացել են այնպիսի կարևոր թեմաների վրա, ինչպիսիք են տնտեսական մարտահրավերները, միջուղորդման մեխանիզմները և տեղեկատվության փոխանակման բարելավումը:
Կլոր-սեղանների արդյունքում՝ տեղեկատվության փոխանակումը կարևոր էր ծառայությունների բացերը և բարելավման անհրաժեշտություն ունեցող ոլորտները հայտնաբերելու համար, ինչը մեզ հնարավորություն տվեց հարմարեցնել մեր մոտեցումները՝ ավելի արագ և արդյունավետ արձագանքելու։
Համատեղ ջանքերով մշակվեցին ուղորդման մեխանիզմներ և դրանց բարելավման հնարավորությունները, ինչպես նաև ապահովվեց և՛ շահագրգիռ կողմերի գործողությունների կանոնավոր թարմացումը և՛ արդյունավետ մոտեցումը, տեղահանված անձանց ինտեգրմանը։
Այս մոտեցումը խթանեց ինտեգրման նկատմամբ սեփական պատասխանատվության գիտակցումը ԼՂ-ից տեղահանված բնակչության շրջանակներում։ Ինչպես նաև, ՀԿԽԸ կողմից կիրառելով մեթոդաբանությունները և գործողությունները ստացան իրենց վավերականությունն առ այն, որորանք լիովին հիմնված են համայնքների կոնկրետ առավելությունների, կարիքների վրա և հաջողությամբ կիրառվում են։
«Մեկ տարի անց. տեղահանված բնակչության ինտեգրում տեղական տնտեսության մեջ» թեմայով նշված մարզերում վերջերս տեղի ունեցած կլոր-սեղան քննարկումների երկրորդ փուլը։ Ընդգծվեց ինչպես առաջընթացը, այնպես էլ շարունակական մարտահրավերները: Առաջընթաց է զեկուցվել հոգեբանական կայունության և կենսամակարդակի որոշակի բարելավման առումով։ Մինչդեռ առկա են լուրջ մարտահրավերներ զբաղվածության և բնակարանային ապահովության ոլորտում շարունակվող կարիքների հետ մեկտեղ:
Նայելով առաջ.
Այս կլոր սեղան քննարկումների արդյունքում հավաքված տվյալները կօժանդակեն տեղահանված բնակչության հրատապ և երկարաժամկետ կարիքներին արձագանքող քաղաքականության բարելավմանը։
RENEW ծրագրի մասին լրացուցիչ տեղեկությունների համար կարող դիմել Հայկական Կարմիր Խաչի ընկերություն:
