Մայիսի 20-ին, ժամը 17:00 – 19:00-ը, Շ. Ազնավուրի անվան հրապարակում(«Մոսկվա» կինոթատրոնիհարևանությամբ) Հայկական Կարմիր խաչի ընկերությունըկազմակերպել էր ցուցահանդես-տոնավաճառ, որտեղ ՀԿԽԸ ծրագրերիշրջանակներում գործիքներ ստացած ևդրա շնորհիվ սեփական փոքր բիզնես նախաձեռնած սիրիահայերըներկայացրեցին իրենց արտադրանքն ու հմտությունները:
Տոնավաճառի այցելուները հնարավորություն ունեցան գնելու քաղցրավենիք, ձեռագործ աշխատանքներ և ծանոթանալու տարբեր ոլորտների մասնագետների հետ. այս նախաձեռնությունն այցելուներին անհրաժեշտ տեղեկություն կտա սիրիահայերի հմտությունների վերաբերյալ՝ տեսանելի դարձնելով դրանք, իսկ վերջիններիս համար իրենց գործունեությունն ընդլայնելու խթան կհանդիսանա:
Միջոցառումը ուղեկցվեց հայկական ժողովրդական երգ ու պարով:
Հայկական Կարմիր խաչի ընկերությունը, հանդիսանալով օժանդակ կառույց կառավարությանը` մարդասիրական ոլորտում և առաջնորդվելով իր առաքելությամբ, այն է` կանխարգելել և թեթևացնել մարդկային տառապանքները, չէր կարող անմասն մնալ Սիրիայի քաղաքացիական պատերազմի հետևանքով Հայաստան տեղափոխված սիրիահայերի հիմնախնդիրներին արձագանքելուց` աջակցելով նրանց` ժամանման առաջին իսկ օրվանից:
Հաշվի առնելով իրավիճակն ու աջակցության կարիք ունեցող սիրիահայերի մեծ թիվը, ՀԿԽԸ-ն ձեռնամուխ եղավ Հայաստան տեղափոխված սիրիահայերի կենսապայմանների բարելավմանն ուղղված ծրագրերի իրագործմանը:
Ծրագրերն իրականացվում են ՄԱԿ-ի փախստականների հարցերովգերագույն հանձնակատարի գրասենյակի, Ավստրիական զարգացմանգործակալության, ԱՄՆ դեսպանատան` Ջուլիա Թաֆթ փախստականների հիմնադրամի միջոցով, Ավստրիական Կարմիր խաչի և ԿԽՄՖ Աղետներին արձագանքման հիմնադրամի ֆինանսավորմամբ և համագործակցությամբ:
