Հայկական կարմիր խաչի ընկերությունից ազատված մի շարք աշխատակիցներ համացանցում տարածել են ապատեղեկատվություն, որ այս պահին ընկերության բնականոն ընթացքը խաթարված է։
Հայկական կարմիր Խաչի ընկերությունը պաշտոնապես հայտարարում է, որ կազմակերպության բոլոր ծրագրերն իրականացվում է հավուր պատշաճի։
Պետական ծրագրով նախատեսված՝ Լեռնային Ղարաբաղից տեղահանված անձանց 40000+10000 դրամների տրամադրման գործընթացը ևս չի դադարեցվել, փոխանցումներն իրականացվել են ճիշտ ժամանակին և շահառուները ստացել են դրամական աջակցություն։
Եվս մեկ անգամ հորդորում ենք բոլորին չտրվել սադրանքների, հետևել բացառապես պաշտոնական տեղեկատվությանը, որն այս պահին հրապարակվում է միայն Հայկական կարմիր խաչի ընկերության կայքով` redcross.am:
Հ․Գ․ Ֆեյսբուքյան և ինստագրամյան էջերի ապօրինի օգտագործման, ապատեղեկատվության տարածման և մի շարք այլ իրավախախտումների վերաբերյալ հաղորդումն արդեն տրված է համապատասխան մարմիններին։ Եղեք իրազեկ՝ զերծ մնալով սադրանքներից։
