Կարմիր Խաչի և Կարմիր Մահիկի ընկերությունների միջազգային ֆեդերացիայի Սոլֆերինո ակադեմիայի կողմից հայտարարված երիտասարդական նորարարական նախաձեռնությունների մրցույթին Հայկական Կարմիր խաչի ընկերության կամավորները մասնակցել են՝ ներկայացնելով իրենց գաղափարները, որոնք միտված էին արձագանքելու Քովիդ-19 համավարակի պատճառով ՀՀ համայնքներում առաջացած խնդիրներին։
Մրցույթին մասնակցում էին Կարմիր Խաչի և Կարմիր մահիկի միջազգային շարժման անդամ ազգային ընկերությունները։ Հայկական Կարմիր խաչի ընկերության կամավորները ներկայացրել են 8 երիտասարդական նախաձեռնություն, որոնցից 6-ը հավանության արժանացան ընտրական հանձնաժողովի կողմից։
Այնուհետև կամավորները մասնակցեցին երիտասարդների կարողությունների և հմտությունների զարգացմանն ուղղված ավելի քան 25 դասընթացի՝ հնարավորություն ստանալով հղկել գաղափարները և ներկայացնել պիլոտային նախաձեռնություններ՝ յուրաքանչյուրի համար արժանանալով 500 շվեյցարական ֆրանկ դրամաշնորհի, որոնց հավաստագրերը կամավորներին անձամբ հանձնեց Կարմիր խաչի և Կարմիր մահիկի ընկերությունների միջազգային ֆեդերացիայի գլխավոր քարտուղար Ջագան Չափպագայնը։
Երևանում, Գյումրիում, Գավառում և Իջևանում նախաձեռնություններն իրականացնելուց հետո կամավորները ներկայացրել են արված աշխատանքը, որից հետո հնարավորություն ստանալով կրկին դիմել ֆինանսավորման՝ հաջողված ծրագրերի զարգացման և տարածման համար։
