Դոնոր կազմակերպություններ - Ավստրիական Զարգացման Համագործակցություն, Ավստրիական Կարմիր Խաչ
Իրականացնող կազմակերպություն – Հայկական Կարմիր խաչի ընկերություն,
Համագործակցող կազմակերպություն- ՀՀ ներքին գործերի նախարարություն, Հայկական Կարիտաս
Իրականացման ժամկետներ – Դեկտեմբեր 2022 – Օգոստոս 2025
Իրականացման աշխարհագրություն – ՀՀ Կոտայքի, Լոռու, Արմավիրի, Արարատի, Շիրակի, Գեղարքունիքի, Սյունիքի, Վայոց Ձորի, Տավուշի, Արագածոտնի մարզերում
⮚ Ծրագրի նպատակը
Նպաստել Հայաստանի մարզերում կամավոր կարողությունների միջոցով բնակչության
պաշտպանության համակարգերի ամրապնդմանը:
⮚ Ծրագրի խնդիրները
1. Բնակչության պաշտպանության համակարգերում կամավորների ինտեգրման փորձի և
հաջողված պատմությունների վերաբերյալ հետազոտության իրականացում և
մոդելենրի մշակում:
2. Հայաստանում բնակչության պաշտպանության կամավորական թիմերի ձևավորում և
կարողությունների զարգացում:
3. Բնակչության պաշտպանության ոլորտում միջոլորտային համագործակցության
զարգացում և համայնքներում համապատասխան ինքնաբավ համակարգերի ներդրում:
4. Բնակչության պաշտպանության կամավորների ընդգրկման և զարգացման
արդյունքահեն մոդելի մշակում, որը հետագայում հնարավոր է կիրառել բնակչության
պաշտպանության ոլորտում կամավորների զարգացման նպատակով։
⮚ Ծրագրի թիրախային խմբերը
Ծրագրի թիրախ խմբերն են հանդիսանում ՀՀ Կոտայքի մարզի՝ Գառնի, ՀՀ Լոռու մարզի՝
Մեծ Պառնի և Աղթալա, ՀՀ Արմավիրի մարզի՝ Երվանդաշատ, ՀՀ Արարատի մարզի՝
Լուսաշող, ՀՀ Շիրակի մարզի՝ Փոքր Սարյար, ՀՀ Գեղարքունիքի մարզի՝ Արտանիշ, ՀՀ
Սյունիքի մարզի՝ Շիկահող, ՀՀ Վայոց Ձորի մարզի՝ Մարտիրոս և Խաչիկ, ՀՀ Տավուշի
մարզի՝ Պտղավան, ՀՀ Արագածոտնի մարզի Արագածավան վարչական շրջանների և
հարակից բնակավայրերի ազգաբնակչությունը:
