Շիրակի մարզային մասնաճյուղ

Հայկական Կարմիր խաչի ընկերությունը (ՀԿԽԸ)՝ հետևելով իր մարդասիրական առաքելությանը, ձգտում է մշտապես լինել ամենախոցելիների կողքին՝ հնարավորինս բավարարելու նրանց մարդասիրական կարիքներն ու մեղմելու տառապանքները։

Շիրակի մարզում ՀԿԽԸ-ն աջակցում է`

• միայնակ առավել խոցելի տարեցներին

• երեխաներին ու երիտասարդներին

• անհայտ կորածների ընտանիքներին

• անապահով  ընտանիքներին

• խոցելի համայնքներին                                                                                                                                                          

• տուբերկուլյոզով հիվանդներին

• Քովիդ-19 համավարակի ժամանակ մեկուսացվածներին

• Ղարաբաղյան հակամարտության սրացման հետևանքով տեղահանված անձանց

Աղետների կառավարում

Աղետների ռիսկերի կառավարում/Համայնքների դիմակայունության բարձրացում

• Աղետներին և արտակարգ իրավիճակներին հրատապ և արդյունավետ արձագանք՝ կարիքների գնահատում, մարդասիրական օգնության տրամադրում

 • Համայնքային կամավորական արձագանքման թիմերի ստեղծում, արձագանքման հանդերձանքի և գույքի տրամադրում

• Ուսուցիչների և աշակերտների ուսուցում

• Դպրոցներում տարհանումների և վարժանքների կազմակերպում

• Դպրոցներում տարհանման նշանների տեղադրում

• Աղետների ռիսկերի նվազեցման վերաբերյալ իրազեկման բարձրացում

• Աջակցություն համայնքների սելավատարերի կառուցմանը և վերանորոգմանը

Արձագանք Ղարաբաղյան հակամարտության սրացմանը

408 մարդ ստացել է 68000 ՀՀ դրամ, ընդհանուր առմամբ՝ 27.744.000 դրամ: 

1362 հիգիենիկ և 23 գրենական պարագաների փաթեթ: 

Որոնում ծառայություն

Սոցիալ-հոգեբանական աջակցություն անհայտ կորածների ընտանիքներին

13 Անհայտ կորածի  ընտանիք

• Մանրամասն տվյալների հավաքագրում անհայտ կորած անձանց վերաբերյալ

• Խորհրդատվական հանդիպումների կազմակերպում բժիշկների, իրավաբանների, մարզային և տեղական իշխանությունների սոցիալական ծառայությունների ներկայացուցիչների հետ

• Մասնագիտական դասընթացների կազմակերպում ընտանիքների անդամների համար

• Մշակութային միջոցառումների կազմակերպում

Սոցիալ-առողջապահություն

Համայնքային ինտեգրացված տնային խնամք և առողջ երկարակեցություն

230 միայնակ տարեցներ և հաշմանդամություն ունեցող անձինք՝ Գյումրիում, Արթիկում և Մարալիկում։

• պրոֆեսիոնալ բուժքույրական խնամք (5 բուժքույր)

• տնային խնամողի (14 տնային խնամող) և կամավորների (38 կամավոր) աջակցություն

• խնամքի համար անհրաժեշտ սարքավորումներ, հիգիենիկ պարագաներ

• Ակտիվ երկարակեցության գործողությունների նախաձեռնող խմբեր 12 համայնքներում՝ 168 տարեցների ներգրավմամբ: 

Ամբուլատոր բուժման մեջ գտնվող տուբերկուլոզով հիվանդներին սոցիալ-հոգեբանական աջակցության տրամադրում և Տուբերկուլյոզի/Քովիդի վերաբերյալ իրազեկվածության բարձրացում

40 տուբերկուլյոզով հիվանդ

• ամբուլատոր բուժման մեջ գտնվող տուբերկուլյոզով հիվանդներին և նրանց ընտանիքի անդամներին տուբերկուլյոզի վերաբերյալ տեղեկատվության և սոցիալ-հոգեբանական աջակցության տրամադրում

•հանրության շրջանում տուբերկուլյոզի/Քովիդ-19-ի վերաբերյալ իրազեկվածության բարձրացում

Գյումրու շուրջօրյա խնամքի կենտրոն

2020 թ. մայիսից ՀԿԽԸ-ն, ՀՀ Աշխատանքի և սոցիալական հարցերի նախարարության հետ ստորագրված համաձայնագրով ստանձնեց Գյումրու շուրջօրյա խնամքի կենտրոնի կառավարումը՝ կենտրոնի տարածքում ապահովելու մինչև 160 խնամվող անձանց  կացության բարենպաստ միջավայր՝ ապահովելով պատշաճ խնամք, որակյալ սնունդ, համապատասխան առողջապահական, սոցիալ-հոգեբանական և այլ անհրաժեշտ  ծառայություններ, ինչպես նաև վերանորոգման աշխատանքների միջոցով բարեկարգելու հաստատության շենքային պայմանները:

 2020 թ. սեպտեմբերին մեկնարկել է «Աշխատելով միասին հանուն որակյալ խնամքի, բարեկեցության և արժանապատիվ կյանքի» ծրագիրը, որն իրականացվում է  Հայկական Կարմիր խաչի ընկերության կողմից՝ Ավստրիական Կարմիր խաչի հետ համագործակցությամբ և Ավստրիական զարգացման համագործակցության ֆինանսավորմամբ:

 Ծրագրի նպատակն է բարելավել ՀԿԽԸ Գյումրու շուրջօրյա խնամքի կենտրոնի բնակիչների ինտեգրացված խնամքի և սոցիալական ծառայությունների որակը:

2022թ. ապրիլին ավարտվել է առաջին մասնաշենքի վերանորոգումը, որտեղ ստեղծվել է պալիատիվ խնամքի բաժանմունք։ Հիմնանորոգվել են մասնաշենքի քսան սենյակները, ճաշարանն ու խոհանոցը, կաթսայատունը, առաջին հարկի միջանցքը: 

Արձագանք Քովիդ-19 համավարակին

Աջակցություն Հայաստանում Կորոնավիրուսային համավարակի դեմ պայքարում Կարմիր Խաչի Միջազգային Ֆեդերացիայի պատրաստվածության և արձագանքման գործողություններին

Աջակցել համավարակի հետևանքով մահացության դեպքերի և հիվանդության տարածման տեմպերի նվազմանը` միաժամանակ պաշտպանելով առավել խոցելի խմբերի անվտանգությունը, արժանապատվությունը և բարեկեցությունը: Ծրագրի ռազմավարությունը իրականացվում է չորս հիմնական ուղղություններով.

1. Հոգեկան առողջություն և հոգեբանական աջակցություն
2. Ռիսկերի գնահատում և համայնքի ներգրավվածություն
3. Ոչ պարենային` հիգիենիկ պարագաների տրամադրում
4. Հեռավար ուսուցում և դիմակայունության խթանում: 

Սննդի և հիգիենիկ պարագաների 3605 փաթեթ

Միայնակ և անժառանգ կենսաթոշակառուներ, հաշմանդամություն ունեցող անձինք, սիրիահայեր, մանկատան շրջանավարտներ, տուն ինտերնատների շահառուներ, ցուցումով ինքնամեկուսացվածներ,  խոցելի ընտանիքներ

Մարդասիրական արժեքների տարածում

Տարեկան 2800-3000 ուսանող և աշակերտ

Նպատակն է բնակչության, հատկապես՝ երիտասարդության շրջանում, տարածել մարդասիրական

գաղափարները, ներգրավել նոր ռեսուրսներ ու կամավորներ, ընդլայնել գործընկերների ցանկը:

• Շիրակի մարզի քաղաքների ու գյուղերի դպրոցներում և ուսումնական հաստատություններում Կարմիր խաչի հիմնարար սկզբունքների ու պատմության լուսաբանման աշխատանքներ,

• թեմատիկ միջոցառումներ՝ խաղեր ու մրցույթներ: