Array ( [label] => Եղիր ներգրավված [uri] => /become-a-volunteer.html [id] => 159 [content] => 0 ) 1
Եղիր ներգրավված
Array ( [label] => Մեր կամավորները [uri] => /become-a-volunteer/our-volunteers.html [id] => 154 [content] => 0 ) 1
Մեր կամավորները
Array ( [label] => Մեր կամավորները [uri] => /become-a-volunteer/our-volunteers/volunteers2.html [id] => 156 [content] => 0 ) 1
Մեր կամավորները
Array ( [label] => Աստղիկ Պետրոսյան. Մենք բոլորս պատասխանատու ենք՝ բոլորի համար [uri] => /become-a-volunteer/our-volunteers/volunteers2/become-a-volunteer-our-volunteers-astghik-petrosyan.html [id] => 212 [content] => 1 ) 1
Աստղիկ Պետրոսյան. Մենք բոլորս պատասխանատու...

Աստղիկ Պետրոսյան. Մենք բոլորս պատասխանատու ենք՝ բոլորի համար

Աստղիկ Պետրոսյան. Մենք բոլորս պատասխանատու ենք՝ բոլորի համար

Համավարակի այս օրերին աջակցության կարիք ունեցող մարդկանց օգնություն հասցնելն անհնարին կլիներ առանց կամավորների: Նրանք անշահախնդիր են, պատրաստակամ՝ անմնացորդ ներդնելու իրենց ջանքերն ու եռանդը՝ հանուն ուրիշների բարօրության: Հայկական Կարմիր խաչի ընկերության աշխատակիցների հետ միասին ստացված սննդային նվիրատվությունների տեսակավորում, փաթեթավորում և բաշխում են իրականացնում կամավորները:

Մասնագիտությամբ կրթության կառավարիչ, անգլերենի մասնագետ Աստղիկ Պետրոսյանը հետաքրքրությունների լայն շրջանակ ունի, իսկ կամավորական աշխատանքն ապրելակերպի մի մասն է կազմում: Հայկական Կարմիր խաչի ընկերության կամավոր է մոտ 9 տարի, այժմ ներգրաված է գրեթե բոլոր ծրագրերում:
- Կամավորությունը ենթադրում է մարդասիրական աշխատանք: Այս օրերին մեր կարիքը, կարծում եմ, ամենաշատն է զգացվում: Երբ հարցրեցին՝ ո՞վ կցանկանա գալ, ես առաջիններից էի, քանի որ շատ նորմալ է, երբ մարդը պաշտպանում է ուրիշին:

Աշխատանքներում ներգրավված են տարբեր բաժինների կամավորներ, Աստղիկը կամավոր է թե՛ Երիտասարդական, թե՛ Աղետների կառավարման բաժնում։
- Մեզ անընդհատ վերապատրաստել են, շատ բաներ են սովորեցրել, ու մի քիչ սխալ կլիներ, որ տված գիտելիքներն այս պահին չօգտագործեինք, կամ ինչպես ասում են ետ չվերադարձնեինք: Մենք միշտ էլ համախմբված ենք եղել, բայց հիմա դա նկատելի է ավելի, քան երբևէ: Միասնականության շնորհիվ ավելի արագ և արդյունավետ ենք անում աշխատանքը:

Կամավորական աշխատանքի վերաբերյալ ունի սեփական մոտեցումներն ու պատկերացումները: Պատասխանելով այն հարցին թե ինչն է իրեն այս պահին մոտիվացնում, Աստղիկը խոսեց օրինակով․
- Մենք բոլորս պատասխանատու ենք՝ բոլորի համար, ու ինչ-որ տեղ ես ունեմ ներքին հանգստություն, որ ես իմ ուժը կարողանում եմ օգտագործել՝ հանուն այլ մարդկանց: Այսպիսի համակեցության կանոն կա, երբ բոլորը լավ են, դու էլ ես քեզ լավ զգում:

Կամավորները, իմ կարծիքով, ամենանվիրված մարդիկ են, քանի որ գիտեն ինչ են անում, ինչի համար: Ցանկացած միջավայրում, երբ ցանկանում ես ինչ-որ հաջողության հասնել պետք է լինի համախմբվածություն, իսկ Կարմիր խաչում կա այդ համախմբվածությունը, քեզ գնահատված ես զգում, արդյունքում ուզում ես ավելի շատ բան անել։ Պատասխանելով այն հարցին, թե ինչպես է անցնում կամավորական աշխատանքը, Աստղիկը համեմատեց կամավորական երկու աշխատանքները․
- Հանրակացարաններ այցելելիս ամեն շաբաթ ունենում էինք նոր կամավորներ, տեսնում էինք կամավորների, որոնք ամեն ինչ ուզում են անել, որ տատիկ-պապիկների աչքերում ուրախություն լինի, իսկ ինչ վերաբերում է այստեղ՝ պահեստավորման աշխատանքներին, ամեն օր տեսնում ենք նոր մարդկանց, որոնք պատրաստ են ակտիվ աշխատել, ուրախ մթնոլորտ է: Ամենակարևորը՝ ոչ մի վախ չունենք, բոլոր անհրաժեշտ միջոցները տրամադրված են, անվտանգության կանոնները մաքսիմալ պահում ենք: Մեզ ոգևորում է այն փաստը, որ այդ օրվա մեր աշխատանքով հարյուրավոր մարդիկ ուրախանալու են: Ամեն ինչ լավ է լինելու, մեր եռանդը տեղն է:

 

ՆՎԻՐԱՏՎՈՒԹՅՈՒՆ